နတ်စောင်းနဲ့ တီးခတ်တဲ့ အလွမ်းသီချင်း
===========================
(၁)
ဒကာ ကိုလေးဖြူကြီးလို “ဘယ်ဆီကို မင်းရောက်နေလဲ ဘာတွေကို မင်းလုပ်နေလဲ ” ဆိုတဲ့အပိုဒ်ကို မျက်လုံးလေးမှေးပြီး ဆွဲဆွဲငင်ငင် ဆွေးဆွေးမြေ့မြေ့ ကြေကွဲပြလိုက်တာမျိုးတော့ ဟုတ်ချင်မှ ဟုတ်ပေလိမ့်မယ်။
ဒါပေမယ့် တာဝတိံသာက ဂီတသမား တစ်ယောက်ဟာလည်း နတ်သံစဉ်နဲ့ အလွမ်းကို ဖောက်ခွဲခွင့် ရှိတာပဲ မဟုတ်လား။ တိမ္ဗရူသက နတ်မင်းကြီးရဲ့ သမီးချောလေး သူရိယ၀စ္ဆသာကို စွဲလမ်းနေတဲ့ နတ်ဂီတသမား ပဉ္စသိခ နတ်သားက စောင်းကြိုးတီးခတ်ပြီး အသဲကွဲသီချင်း ဆိုနေခဲ့ဖူးပါတယ်။ တစ်ဦးတည်းသော ပရိသတ်ကတော့ ဗုဒ္ဓဘုရားရှင် ကိုယ်တော်တိုင်ပါပဲ။ ဒီတစ်ကိုယ်တော် ဖျော်ဖြေပွဲလေး ဖြစ်လာပုံက ဒီလိုပါ။ ဘုရားရှင်က မဂဓတိုင်း အတွင်းက ပုဏ္ဏားရွာလေး တစ်ရွာအနီးမှာရှိတဲ့ တောင်ရိုး လိုဏ်ဂူတစ်ခုမှာ သီတင်းသုံးနေပါတယ်။
ဘုရားဖူးချင်တဲ့ သိကြားမင်းက နောက်လိုက် နောက်ပါ အခြံအရံတွေခေါ်ပြီး ရောက်လာခဲ့တာပါ။ ဒါပေမယ့် ဈာန်ချမ်းသာနဲ့ မွေ့ပျော်လေ့ရှိတဲ့ ဘုရားရှင်တို့ရဲ့ သဘောကို ရိပ်စားမိလေတော့ အခြံအရံတွေ အများကြီးနဲ့ အုတ်အုတ်ကျက်ကျက် အနှောက်အယှက် မဖြစ်စေချင်တဲ့အတွက် ပဉ္စသိခကို အထောက်တော် လွှတ်တာပါ။
အဲဒီမှာ ပဉ္စသိခ နတ်သားက ဗေလုဝပဏ္ဍု နတ်စောင်းကို ထုတ်ပြီး ဘုရားရှင် သီတင်းသုံးတဲ့ လိုဏ်ဂူနားမှာ ဘုရားရှင် ကြားအောင် သူ့အလွမ်းတွေကို ရင်ဖွင့်တော့တာပါ။ လွမ်းလည်း လွမ်းလောက်ပါတယ်။ သူစွဲလမ်းရသူ ချစ်သော သူရိယ ၀စ္ဆသာလေးက သိကြားမင်းကြီး အပါးမှာ ခစားနေတဲ့ ရထားထိန်း မာတလိနတ်မင်းရဲ့ သား သိခဏ္ဍီ နတ်သားကို စိတ်ညွတ်ကိုင်းနေပါသတဲ့..။
သူ့လို ဂီတသမား တစ်ယောက်အတွက် သုဒဿန နေပြည်တော်မှာ နေရာ မရရှာပါဘူး။ ဖျော်ဖြေသူ သက်သက်မို့ မျက်နှာကြီး နတ်သမီးလေးတွေက အဖက်မလုပ်ကြဖူးပေါ့လေ။
ဒီတော့လည်း လူ့ပြည်က ရော့ခ်ကာ တစ်ယောက်လို ကြေကွဲမှုတွေကို သံစဉ်ထဲ ရောမွှေပစ်လိုက် တော့တာပါ။ အံသြစရာ ကောင်းတာက အလွမ်းထဲမှာ တရားသဘောတွေ ပါနေတာပါ။
ဘုရားရှင်နဲ့ ရဟန္တာမြတ်တို့ရဲ့ ဂုဏ်တော်တွေကိုပါ ထည့်သွင်း စပ်ဆိုသွားတာပါ...။ လွမ်းတာတောင် ကုသိုလ်ရအောင် လွမ်းတဲ့ နတ်ဂီတာသမားပေပဲ။
ကဲ…
နားထောင်ကြည့်လိုက် ပါဦး။ ဒီနေ့ မျိုးဆက်သစ် နတ်လေးတွေကတော့ အောလ်တာနေတစ်ဗ်တွေ ပန့်ခ်တွေ ရပ်ပ်တွေ ဘာတွေ လုပ်နေကြရောပေါ့။ ပင်လယ်ကသစ်ပင်ရှိုးပွဲတွေမှာ နတ်ပြည်ဖြစ် Hiphop သီချင်းတွေ ဆူညံနေလောက်ပြီ။
ရှေးခေတ်ပါဠိဘာသာပြန်တွေက ခက်ဆစ်စကားလုံးတွေ များလို့ အသစ်လုပ်ကြည့်လိုက်ပါတယ်။ တစ်စုံတစ်ရာဖန်တီးထားတဲ့ စကားလုံးများမပါ..။ မော်ဒန်လူငယ်များအတွက် ပိဋကတ်မူရင်းအတိုင်း ရာစုသစ်ဝေါဟာရများနဲ့ ဆီလျော်အောင် ဘာသာပြန်ဆိုခြင်းမျှပါပဲ..။
(၂)
ပဉ္စသိခသီချင်း
========== (ရေးဆိုတီး ပဉ္စသိခ)
ဟဲလို သူရိယ၀စ္ဆသာ
တိမ္ဗရူသကနတ်မင်း ငါဦးညွတ်
သူက နင့်ဘ၀ကောင်းမြတ်မှုကို မွေးဖွားသူဖခင်
နင်ကတော့ ငါ့ကို မြတ်နိုးစေသော ချစ်သောကောင်မလေး....။
တောက်ပလင်းလက်သူ ကောင်မလေး
ချွေယိုစီးတဲ့အခိုက် လေညှင်းအေး
ရေလိုတဲ့ အခိုက် ရေးအေးအေး
ရဟန္တာတွေအကြိုက်ကတော့ တရားဓမ္မအမြိုက်ဆေး
ငါ့ကတော့ နင်ကိုပဲ ချစ်နေမိသေး......။
ဆေးက နာကျင်သူကို ငြိမ်းပေး
အစာက ဆာလောင်သူကို ငြိမ်းပေး
ရေက မီးလျှံကို ငြိမ်းပေး
နင်က ငါ့အချစ်ကို ငြိမ်းပေး ....။
အေးမြမြရေကန်သာ
ဝတ်မှုံပြွမ်းတဲ့ကြာတောထဲ
ပူလောင်နေတဲ့ ဆင်ပြောင်ကြီးထိုးဆင်းချသလိုမျိ
နင့်ရင်ခွင်ထဲ ငါပြေးဆင်းခဲ့မယ် ....။
ပေါင်သားပြည့်ပြည့်ကောင်မလေး
မုန်ယိုနေတဲ့ ဆင် လှံအန္တရာယ်ကို မမြင်
မာန်ယစ်မူး ရူးမိုက်သလိုမျိုး
နင့်ကြောင့် အချစ်မူးနေတဲ့ငါ
ဘာမှ မသိတော့ဘူး (ဘာမှမသိတော့ဘူး)...။
နင့်ဆီမှာ ငါ့စိတ်ဟာ တစ်ဘက်သတ်ဖြစ်နေ
နင့်ဆီမှာပဲ ငါ့စိတ်ဟာ တိမ်းညွတ်နေ..
နောက်ဆုတ်ဖို့ မဖြစ်နိုင်ဘူး..
ငါးမျှားချိတ်ကို မျိုမိတဲ့ ငါးတစ်ကောင်လို လူး....။
ကလျာဏီ
ပေါင်တံလှလှကောင်မလေး
ငါ့ကို ဖက်ထားစမ်းပါဟေး
မခို့တရို့ကြည့်တတ်သူကောင်မလေး
ငါ့ကိုပွေ့ဖက်ထားပါဟေး
အကောင်းဆုံး ကောင်မလေး
ငါ့ကိုပွေ့ဖက်လိုက်ပါဟေး...
နင့်ထွေးပိုက်မှုကိုပဲ ငါမျှော်တွေး....။
ဆံဖျားကော့ညွတ်လှပသူကောင်မလေး
ငါ့ချစ်ခြင်းက နည်းကောင်းနည်းပေမယ့်
ဆတိုးပွား ကြီးထွားလာနေမြဲ
ရဟန္တာမြတ်ကို လှူတဲ့ ဒါနလိုမျိုးပဲ....။
ကလျာဏီ
အရာရာပြည့်စုံသူကောင်မလေး
သည်းခံခြင်းဂုဏ်လွှမ်းတဲ့ ဘုရားအဆူဆူ
ငါပြုခဲ့ကုသိုလ်အမျှကို နင်ယူ
အတူအကျိုးပေးစေသား....။
ကလျာဏီ
အရာရာပြည့်စုံသူကောင်မလေး
ဒီမိုးအောက်မြေပြင် ငါဆည်းပူးခဲ့ ကုသိုလ်
အမျှကို နင်ယူ အတူအကျိုးပေးစေသား....။
ဟဲလို သူရိယ၀စ္ဆသာ
ချစ်သောကောင်မလေး
သကျနွယ်ဖွား ဘုရားမြတ်
ဈာန်ပွား စိတ်တည် သတိနဲ့ကြည်မွေ့
အမြိုက်ချမ်းသာကိုရှာသလိုမျိုး
ငါကတော့ နင်ကိုပဲ ရှာဖွေနေ....။
ကလျာဏီ
ချစ်သောကောင်မလေး
အမြတ်ဆုံးမုနိဘုရား အမြတ်ဆုံးဉာဏ်တော်ကို ဆိုက်ရောက်
ဝမ်းမြောက်တော်မူသလိုမျိုး
နင်နဲ့ ပေါင်းဖက်ကာ အားတက်ပျော်ရွှင်ရစေသား...။
ချစ်သောကောင်မလေး
တာဝတိံသာအရှင် မိုးသခင်ကသာ
ဆုမြတ်တစ်ခုကိုရွေး အခွင့်ပေးခဲ့မယ်ဆို
နင့်ကိုပဲ ငါယူမယ်
ငါအချစ်က ခိုင်မြဲခဲ့...။
မေဓာဝီ
ထက်မြက်တဲ့ကောင်မလေး
ကောင်းမြတ်ခြင်းတွေပြည့်စုံတဲ့သ
ပွင့်သစ်စ အင်ကြင်းပန်းပမာ သခင်
နင့်ဖခင်နတ်မင်းကို
ငါဦးညွတ်လိုက်ပါတယ်....။
(၃)
သီချင်းဆုံးတဲ့အခါ ဗုဒ္ဓအရှင်က ” ပဉ္စသိခ သင့်စောင်းသံဟာ သီချင်းသံနဲ့ ကိုက်ညီသလို သီချင်းသံကလည်း စောင်းသံနဲ့ တစ်ထပ်တည်းပါပဲ..။ သီချင်းသံက စောင်းသံကို မလွန်သလို စောင်းသံကလည်း သီချင်းသံကို မလွန်..။ ပဉ္စသိခ သင်ဟာ ဘုရားတရားသံဃာ ရတနာသုံးပါ၊ ရဟန္တာတွေနဲ့ ကာမဂုဏ်တရားများကို ရောသမမွှေစပ်ဆိုတဲ့ ဒီသီချင်းတွေကို ဘယ်အချိန်က ရေးဖွဲ့ခဲ့ပါသလဲ” လို့ အမေးတော်ရှိပါတယ်..။
”အရှင်ဘုရား သဗ္ဗညုတဥာဏ်ရတော်မူပြီးကာစ ဥရုဝေလတောနေရဉ္ဖရာမြစ်ကမ်းပါးအန
သူရိယ၀စ္ဆသာကို အမျိုးမျိုးပိုးပမ်းပေမယ့် မရနိုင်တော့တဲ့အခါ ဗေလုဝနတ်စောင်းကို ပိုက်ပြီး ကလေးမရဲ့ ဖခင်အိမ်တော်ဗိမာန်ရှေ့မှာ ဘုရားတရားသံဃာ ရတနာသုံးပါး၊ ရဟန္တာအရှင်မြတ်တွေရဲ့ ဂုဏ်ရည်နဲ့ ခံစားချက်ရင်တွင်းဖြစ် ခု အရှင်ဘုရားကို ပူဇော်တဲ့ ဒိသီချင်းတွေကို ညှစ်အော်ခဲ့တာပေါ့ဘုရား..။
အဲဒီတော့မှ ကလေးမလေးက ထွက်လာပြီး ” ကိုသိခရယ် ကျမလည်း ရှင့်သီချင်းထဲက ဘုရားရှင်ကို မဖူးမြင်ရသေးပါဘူး ..။ တာဝတိံသာရွှေပြည်တော်ရဲ့ သုဓမ္မာသဘင်ပွဲမှာ ကျမ ကပြအသုံးတော်ခံနေတဲ့အချိန် ဘုရားရှင်အကြောင်း ကြားခဲ့ရဖူးတာပါ..။ ရှင်က ဒီနေ့ ကျမအိမ်ရှေ့အရောက် ဘုရားရှင်အကြောင်းသီချင်းလုပ်
တပည့်တော်မှာ အဲဒီအခိုက်အတံ့လေးပဲ ၀စ္ဆသာလေးကို မြင်ခဲ့ရတွေ့ခဲ့ရတာပါ အရှင်ရယ်..။ အဲဒီအချိန်က စပြီး ခုထိ မတွေ့ရတော့ပါဘူးဘုရား..။ ” တဲ့..။
ဂူဝမှာ စောင့်နေတဲ့ သိကြားနတ်မင်းက ပဉ္စသိခကို ခေါ်ပြီး ဘုရားရှင်ကို ဖူးမျှော်ခွင့်ပေးဖို့ သံတမန်စကားလျှောက်ထားစေပါတယ်..။
သိကြားမင်းနဲ့ အခြွေအရံပရိသတ်တွေ ဘုရားရှင်ထံမှာ တရားတော်နာကြ..။ သောတာပတ္တိမဂ်ဥာဏ်ဦးကာ တရားထူးလည်း ရကြပေါ့..။
သိကြားမင်းဟာ စောင်းတီးကောင်းပြီး အဖွဲ့အနွဲ့ဆန်းသစ်တောက်ပြောင်ြေ
နတ်လူပျိုကြီး ပဉ္စသီခတော့ သီချင်းတစ်ပုဒ်နဲ့ အလုပ်ဖြစ်သွားခဲ့ပါတယ်..။
နတ်စောင်းနဲ့ တီးခတ်တဲ့ အလွမ်းသီချင်းသံတွေ မကြားရတော့ပါ..။
ဓမ္မဂင်္ဂါ
(၂၄၊၇၊၂၀၁၄)
(ဒီဃနိကာယ်။ မဟာဝါပါဠိတော်၊သက္ကပဉှသုတ်)
No comments:
Post a Comment